منتديات مملكة البحرين

آخر المواضيع

العودة   منتديات مملكة البحرين > المنتديات التقنية > التصاميم والجرافكس

إضافة رد
 
أدوات الموضوع
  #1  
قديم 11-09-2005
الصورة الرمزية مريامي
مريامي مريامي غير متواجد حالياً
عضو رائع
 
تاريخ التسجيل: Jan 2004
العمر: 31
المشاركات: 953
درس لرسم منظر ليلي بالفوتوشوب



السلام عليكم ورحمة الله


اليوم حاطلتكم أول درس أسويه ..

وأتمنى أنه ألقى تجاوب كبير.. وقصدي بتجاوب هني مب ردود بس.. بعد بتنفيذ الدرس .. لأنه الدرس وايد سهل.. وفيه أفكار يديدة.. وموجه للمبتدئين في الفوتوشوب بشكل أساسي.. عشان جي توسعت بالشرح في بعض الخطوات..

فكرة الدرس عبارة عن منظر صحراوي فالليل.. طبعاً تقدرون اتغيرون المنظر .. أو تحورون الفكرة لشكل ثاني وهاذا كله يعتمد على أفكاركم وذوقكم..


هاذا هو التصميم النهائي..





والدرس بيكون في أربع خطوات.. أول ثلاث خطوات تعتمد على استخدام أدوات الفوتوشوب الأولية.. والخطوة الأخيرة تعتمد على البرشات أو أي شكل تبونه..


أول شي نزلوا برشات الأشجار من هني: Trees.zip


وألحين نبدا الدرس..


.
.
.

الخطوة الأولى: الخلفية والنجوم


نفتح صفحة يديدة بأي قياس تريدونه (مثلاً 800×600 )، وباستخدام أداة السطل نعبيها من داخل باللون الأزرق الغامق (استخدمت اللون رقم 0 D004C)



بعدين نسوي لاير يديدة ونعبيها من داخل باللون الأسود بنفس الطريقة

ألحين نختار البرش الدائرية إللي أطرافها ناعمة قياس 13 ونغير من خصائصها حسب الشكل:



وباللون الأبيض نبدا ننثر البرش على اللاير السودا بشكل عشوائي مثل الشكل



نروح عند Image > Adjustments > Threshold ونحرك السهم أو نغير الـ Threshold Level وانخليه 240 أو أي درجة قريبة على حسب ذوقكم عشان ايصير مثل الشكل



هالأسلوب تقدرون تستخدمونه دايماً لعمل النجوم ويعطي نتايج وايد حلوة دايماً..

نستخدم مساحة دائرية أطرافها نعامة بقياس 300 أو أكبر عشان نمسح الأطراف السفلية ونبين الخلفية الزرقا لحد ما ايصير شرات الشكل هاذا:



وبهالطريقة انكون خلصنا من الخلفية والنجوم وننتقل للخطوة الثانية، طباً لا تنسون تحفظون الشغل.


.
.

يتبع

رد مع اقتباس
  #2  
قديم 11-09-2005
الصورة الرمزية مريامي
مريامي مريامي غير متواجد حالياً
عضو رائع
 
تاريخ التسجيل: Jan 2004
العمر: 31
المشاركات: 953
مشاركة: درس لرسم منظر ليلي بالفوتوشوب



الخطوة الثانية: السحاب

هالخطوة فيها وايد شغل وعمل السحاب يباله تركيز اشوي لأنه بنستخدم الـ Pen Tool .. ويمكن تملون مني لأني وايد متوسعة فالشرح..


أول شي انسوي لاير يديدة ونختار لون أزرق فاتح وبعدين انغير خاصية وحدة فالقلم وانخليه Paths مثل الشكل:



ألحين نبدا بنقطة (يعني اتسوون كليك) فمكان خارج الصورة، وبعدين انسوي نقطة ثانية داخل ونسحب الماوس لحد ما يتشكل عندنا الخط أو الباث إللي نريده والشكل التالي يوضح بطريقة أفضل



بعد ما انسكر الباث انعبيه باللون الأزرق إللي اخترناه فالبداية وكونوا متأكدين أنكم تشتغلون على لاير يديدة، كليك باليمين على الماوس ونختار Fill Path وكونوا متأكدين أنه مثل الشكل إللي تحت





ألحين نمسح الباث بأنه انسوي كليك باليمين ونختار Delete Path



نكرر نفس الخطوات السابقة بالضبط فلايرات يديدة وانشكل أكثر عن تموج بتدرجات الأزرق وتقدرون اتغيرون ترتيب اللايرات بالشكل إللي يناسبكم وتذكروا اتسيفون فكل خطوة (Ctrl + s) وفالنهاية انضيف تموج أخير باللون الأبيض ولازم يطلعلكم شي قريب من هالشكل



ندمج كل لايرات السحاب مع بعض بهالطريقة



ومن الكيبورد نضغط على Ctrl + E أو نروح Layer > Marge Linked
بعدين نكرر اللاير بأنه نختار Layer > Duplicate Layer أو بسهولة انسوي كليك باليمين عليها ونختار Duplicate Layer
نختار اللاير الأصلية (إللي تحت) وانروح Filter > Blur > Gaussian Blur وانحط القيمة 10 مثل الشكل:




نغير الـ Opacity لهاللاير وانخليه 40% وبعدين نختار اللاير إللي تحت ومن الكيبورد نضغط على Ctrl + F عشان نكرر فلتر الـبلور ونغير مودها وانخليه Soft Light




جذا انكون خلصنا من السحاب ولا تنسون الحفظ Ctrl + s


.
.
.
يتبع

رد مع اقتباس
  #3  
قديم 11-09-2005
الصورة الرمزية مريامي
مريامي مريامي غير متواجد حالياً
عضو رائع
 
تاريخ التسجيل: Jan 2004
العمر: 31
المشاركات: 953
مشاركة: درس لرسم منظر ليلي بالفوتوشوب



الخطوة الثالثة: القمر

القمر طريقته سهلة وايد خاصة أنه بنسويه بدر..


انسوي لاير يديدة ونختار البرش الدائرية الناعمة قياس 200 وباللون الأبيض (أو لون أبيض على أصفر) وبأكثر من كليك انسوي إنارة على الجانب المضيء من السحاب مثل الصورة



ألحين نختار اللون الأصفر الفاتح FFFFCC والبرش الدائرية الحادة قياس 100، وفنص الإضاءة البيضا نرسم القمر



ونرجع مرة ثانية للبرش الدائرية الناعمة بس بقياس 100 أو أقل باشوي، وباللون الأبيض فنص الدائرة انسوي كليك مرة وحدة أو مرتين بس مب أكثر عشان يبين لون القمر من ورا وبيكون الشكل النهائي للقمر هو هاذا









الخطوة الرابعة: المناظر الأمامية

أسهل خطوة هي خطوة رسم المناظر الأمامية.. لأنه بنستخدم اللون الأسود فقط.. بس لازم انكون منزلين قبل مجموعة برشات الأشجار..

أول شي فلاير يديدة طبعاً نرسم الأرضية بنفس طريقة السحاب يعني بالـ Path Pen ونعبيها باللون الأسود مثل هالشكل



وأخيراً وليس آخراً.. انخلي برش النخل على الأرضية.. وانضبط قياسها بحيث اتكون مناسبة.. ونزيد مساحة الأرضية إذا قصرت عن النخل.. ونعبي الفراغات داخل برش النخل باللون الأسود إذا تبون.. يعني اشوية تضبيطات على كيفكم..

وهاذا هو الشكل النهائي لصورة هالدرس





طبعاً فالتصميم إللي فوق وايد شفت أشياء.. مثل الخيمة.. والمناظر البعيدة..

انتهى الدرس..




يا ليت تقولون رايكم بالدرس.. لأني أول مرة أسوي درس من أفكاري وتنفيذي.. وأتمنى أني أشوف تطبيقاتكم على الدرس..



(f)

__________________
-- UAEyan
رد مع اقتباس
  #4  
قديم 11-09-2005
أم راشد أم راشد غير متواجد حالياً
عضو مجلس الإدارة
رئيس لجنة التخطيط والتطوير
 
تاريخ التسجيل: Apr 2004
المشاركات: 24,021
مشاركة: درس لرسم منظر ليلي بالفوتوشوب

[align=center]
قعدت انتظرج تحطين الخطوة الثالثة طلعتي
مادري وين رحتي
~26~

فسويت القمر بروحي بطريقة Ellipptical Marquee Tool
ونسيت اسوي الأرضيه



فصار معاي هلون








[/align]
رد مع اقتباس
  #5  
قديم 11-09-2005
الصورة الرمزية مريامي
مريامي مريامي غير متواجد حالياً
عضو رائع
 
تاريخ التسجيل: Jan 2004
العمر: 31
المشاركات: 953
مشاركة: درس لرسم منظر ليلي بالفوتوشوب


~ أم راشد..
سووري والله عشان تأخرت فالإضافة .. بس ما يه فبالي أنه في ناس يتريوني.. كنت قاعدة ويا ربيعتي نطالع صور وناسية السالفة ..

بس الصراحة عيبني تطبيقج وايد وايد.. حلوة فكرة الغابة.. وما يحتاي أرضية لها.. أحلى جذا..

مشكورة وتسلمين فديت عمرج .. فرحتيني وايد وحسستيني أنه شغلي ما كان عالفاضي ما اتقصرين والله.. (f)



~ وأعتذر للجميع عن أغلاط الطباعة الموجودة فالموضوع .. والله يوم رديت قريته افتشلت..


__________________
-- UAEyan
رد مع اقتباس
  #6  
قديم 12-09-2005
الصورة الرمزية علي الصائغ
علي الصائغ علي الصائغ غير متواجد حالياً
العضو الفضي
 
تاريخ التسجيل: Jan 2004
العمر: 28
المشاركات: 1,949
مشاركة: درس لرسم منظر ليلي بالفوتوشوب

الله ما شاء الله على هاي الدرس الصراحة درس متفوق
ما عليه كلام و أم راشد أدقنت الدرس ولله يعطيك ألف عافية مريامي بس ما أشوف ألا درس في سنة وحدة خخخخ

تسلم يدج ولله يعطيج ألف عافية

تحيتي
__________________
[flash=http://www.bahrainforums.com/usersfiles/4606-montada_ali.swf]WIDTH=435 HEIGHT=119[/flash]
.:~@~:. gahfiaman@hotmail.com .:~@~:.
رد مع اقتباس
  #7  
قديم 21-09-2005
الصورة الرمزية مريامي
مريامي مريامي غير متواجد حالياً
عضو رائع
 
تاريخ التسجيل: Jan 2004
العمر: 31
المشاركات: 953
مشاركة: درس لرسم منظر ليلي بالفوتوشوب


~ علي الصائغ ..

الله يعافيك ومشكووووور وايد وايد على ردك وتشجيعك .. كله من ذوقك والله..

بالفعل تطبيق أم راشد وردك وايد رفعوا من معنوياتي .. لأنه بصراحة ياني إحباط! .. إحباط!




لج يا أم راشد ولك يا أخوي علي الصايغ .. كل تقدير وشكر ومحبة.. (f)


__________________
-- UAEyan
رد مع اقتباس
  #8  
قديم 30-09-2005
الصورة الرمزية ree7t.al3ood
ree7t.al3ood ree7t.al3ood غير متواجد حالياً
صديق المنتدى
 
تاريخ التسجيل: Dec 2002
المشاركات: 14,860
مشاركة: درس لرسم منظر ليلي بالفوتوشوب

[align=center]

كفييتي ووفيتي أختي مريامي
ابدعتي في الشرح والتوضيح
يعطيج العافيه

أم راشد ~1~


:
:
%


مودتي
مريم علي

(f)
[/align]
__________________


عاشت يمينك يا خليفه
يابوعلي ذرب اليمين

ياباني النهضة الحديثة
ياللي على بلادكـ امين

كلنا خليفة
رد مع اقتباس
  #9  
قديم 02-10-2005
الصورة الرمزية حمد المهنا
حمد المهنا حمد المهنا غير متواجد حالياً
العضو الذهبي
 
تاريخ التسجيل: May 2004
العمر: 35
المشاركات: 2,073
مشاركة: درس لرسم منظر ليلي بالفوتوشوب

افا عليك يا اختي

كل هذا الابداع و يجيلك احباط ؟؟؟

لااااااااااااااااااااااااااااا

ما شالله عليك ابدااااااااع و طريقه الشرح ممتازه


موضوعك ممتاز ميه %


لا تبخلين علينا يا اختي

ترا احنا محتاجين مثل هذي الموضيع الطيبه
__________________

الفوتغرافي
حمد المهنا

العمل بعنوان : ME





المعرض



رد مع اقتباس
  #10  
قديم 17-11-2005
الصورة الرمزية مريامي
مريامي مريامي غير متواجد حالياً
عضو رائع
 
تاريخ التسجيل: Jan 2004
العمر: 31
المشاركات: 953
مشاركة: درس لرسم منظر ليلي بالفوتوشوب

شكراً لكم اختي مريم علي وأخوي حمد المهنا على مروركم وردكم..

تشجيعكم فرحني..

تسلمون... (f)
__________________
-- UAEyan
رد مع اقتباس
  #11  
قديم 18-11-2005
الصورة الرمزية baby_angel
baby_angel baby_angel غير متواجد حالياً
صديق المنتدى
 
تاريخ التسجيل: Feb 2003
العمر: 27
المشاركات: 4,594
محرج مشاركة: درس لرسم منظر ليلي بالفوتوشوب

~48~ مايستويييييييييي ~12~
__________________
[c] [/c]
رد مع اقتباس
  #12  
قديم 18-11-2005
الصورة الرمزية baby_angel
baby_angel baby_angel غير متواجد حالياً
صديق المنتدى
 
تاريخ التسجيل: Feb 2003
العمر: 27
المشاركات: 4,594
مشاركة: درس لرسم منظر ليلي بالفوتوشوب

الشي مال الpath يغربل ~26~

و النجوم .. يوم كنت اسوي threshold ماكالن يطلع الشكل مالي على 240 نفس اللي حطيتييه.. ~47~

تميت احووس و اخربط لين طلع هالشي .. ~34~

اهو فاشل بس مايخالف .. اهم شي جربت lol ~56~

اللي يتطنز بكسر راس راسه ~27~

__________________
[c] [/c]
رد مع اقتباس
  #13  
قديم 19-11-2005
الصورة الرمزية مريامي
مريامي مريامي غير متواجد حالياً
عضو رائع
 
تاريخ التسجيل: Jan 2004
العمر: 31
المشاركات: 953
مشاركة: درس لرسم منظر ليلي بالفوتوشوب

~ baby_angel

ايجنن تطبيقج.. وايد عيبتني حركة النبتة والعشب.. طالع ناعم وايد ..

بس النجوم خربت .. يمكن كنتي مسوية البرش بحجم كبير ، فحاولي اتصغرينه أكثر .. بس الباجي رهيييييب..

وترا الباث صعب استخدامها أول شي.. بس إذا استخدميتها دايم بتصير سهلة وبتقدرين ترسمين فيها أشياء وايدة اتكون creative وإنتي ماشالله امبين عليج أنه عندج حس فني ..


تسلمين على ردج وتطبيقج .. الله يعطيج ألف عافية.. (f)
__________________
-- UAEyan
رد مع اقتباس
  #14  
قديم 22-11-2005
الصورة الرمزية المبتكر
المبتكر المبتكر غير متواجد حالياً
العضو الذهبي
 
تاريخ التسجيل: Nov 2004
العمر: 36
المشاركات: 2,072
مشاركة: درس لرسم منظر ليلي بالفوتوشوب

مشكوره يا الشيخه على الموضوع الرائع جدا انا االحين بطبق وانشاء الهى الصوره بعد ما اخلص احطها وتسلمين مره ثانيه على الموضوع الجميل جدا
نبي مواضيع مثله عاد حلوه ومفيده
تسلمي الشيخه
__________________
المبتكر
منتديات مملكة البحرين
رد مع اقتباس
  #15  
قديم 29-11-2005
الصورة الرمزية العقربة
العقربة العقربة غير متواجد حالياً
عضو
 
تاريخ التسجيل: Sep 2005
العمر: 32
المشاركات: 329
مشاركة: درس لرسم منظر ليلي بالفوتوشوب

مشكووووووووووووووووووووووووووووووووووووووووووووووو ووووورين و انا بحاول فيها
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:19 PM

المعلومات الواردة في هذا الموقع لا تعبر عن وجهة نظر الإدارة وإنما تعبر عن وجهة نظر كاتبها
الإدارة لاتتحمل أدنى مسؤلية عما يكتبه الاعضاء من مواضيع ومشاركات أو رسائل خاصة



©2002-2011 منتديات مملكة البحرين، جميع الحقوق محفوظة.