منتديات مملكة البحرين

آخر المواضيع

العودة   منتديات مملكة البحرين > المنتديات العامة > المجتمع > مشكلتك تهمنا

موضوع مغلق
 
أدوات الموضوع
  #1  
قديم 09-12-2010
B M A B M A غير متواجد حالياً
عضو رائع
 
تاريخ التسجيل: Jul 2009
العمر: 27
المشاركات: 674
غير سعيد كيف أقنع زوجي..؟

مشكلتي يمكن تافهه بنظركم،،بس بالنسبه لي موتافهه

مشكلتي وبأختصار،،أبي تلفون بلاك بيري

وزوجي موراضي أخذ لي واحد

تعبت وأنا أحاول أقنعه لكنه موراضي،،والمشكله أن موماعطني سبب مقنع لرفضه البلاك بيري

اكون صريحه معاكم،،أنا قبل الزواج علاقتي مع صديقاتي وهلي وربعي واااايد كلوووز

ومن تزوجت وأشتغلت مشاغل الدنيا بعدتني لحد ما عنهم

على الرغم ان قبل زواجي انا كنت الواصله بين صديقاتي

بس الحين انشغلت مع مشاغل الدنيا،،ولاعندي وقت فراغ أتصل أو اطلع معاهم

مثل قبل،،وخااااااااااااطري في البلاك بيري عشان يقربني منهم وأوصلهم نفس أول

بس زوجي هداه الله موراضي،،والله أني أقدر أوفق بينه وبين البلاك بيري


شلووووووووون أقدر أقنعه....؟أبي سبب مقنع أعطيه

لان والله كل الاسباب عطيته مب راضي يقتنع...

أبي شوووووووووووووووركم..
  #2  
قديم 09-12-2010
أم علي الحلوة أم علي الحلوة غير متواجد حالياً
عضو رائع
 
تاريخ التسجيل: Mar 2010
العمر: 32
المشاركات: 500
مشاركة: كيف أقنع زوجي..؟

وش لش ببلاك بري عندش الايفون روعة وأغلى انتي تأمرين امر
  #3  
قديم 09-12-2010
الصورة الرمزية كـل شـوقـي لــك
كـل شـوقـي لــك كـل شـوقـي لــك غير متواجد حالياً
العضو الفضي
 
تاريخ التسجيل: Feb 2010
العمر: 21
المشاركات: 1,122
مشاركة: كيف أقنع زوجي..؟

اختي لا تخسرين زوجش علشان تلفوون / طلعي ارقامهم و تواصلي وياهم من دوون مشآكل و عوار رآإس ..

بتوفيق اتمنى اقترآحي افيدش
__________________
BB : 23023949
  #4  
قديم 09-12-2010
الصورة الرمزية بنت القاسمي
بنت القاسمي بنت القاسمي غير متواجد حالياً
العضو الذهبي
 
تاريخ التسجيل: Apr 2010
العمر: 24
المشاركات: 2,334
مشاركة: كيف أقنع زوجي..؟

اختي طيعي زوجج احسن ولا تخسرينه بسبة فون واهوة يمكن خايف تاخذين لج بيبي تبتعدين وتنشغلين عنه من جذي يمكن مو مقتنع وصديقاتج كلمهيم بين فترة وفترة.
__________________
سبحان الله وبحمده سبحان الله العظيم. .
سبحان الله والحمد لله ولا اله الا الله والله اكبر...
  #5  
قديم 09-12-2010
سيدة القصر الاسود سيدة القصر الاسود غير متواجد حالياً
عضو رائع
 
تاريخ التسجيل: Sep 2009
العمر: 35
المشاركات: 338
مشاركة: كيف أقنع زوجي..؟

شنو اسباب رفضه ؟

يعني قولي له خلينا ناخذ ورقة وقلم وكل واحد يكتب سلبيات وايجابيات البلاك بيري من وجهة نظره وتناقشونها مع بعض

اختي انا ماعندي بلاك بيري لكن والله اشوف اللي عندهم مايرفعون راسهم عنه ويعيشون في عالم ثاني يأتي على حساب امور ثانية

انتي بعد فكري بالموضوع واحسبيها من جوانب اخرى وشوفي المصلحة العامة
  #6  
قديم 09-12-2010
بحرينيةناعمة بحرينيةناعمة غير متواجد حالياً
العضو المتميز
بقسم مشكلتك تهمنا

لشهــر نوفمبر 2010م
 
تاريخ التسجيل: Jul 2010
العمر: 28
المشاركات: 255
مشاركة: كيف أقنع زوجي..؟

انه اقول شرايج عشان ماتزعلين روحج تاخذين الموضوع بطريقه ثانية

عاد صيري شوي رومانسية وقلبي الموضوع حته لو جدام ربعج لين حنوّ عليج

قولي في خاطرج..

اكيد اهوه يحبني ومايبيني انشغل عنه دقيقه لانه غيور ويبيني كل الوقت معاااه

وبجذي تكونين لاعورتي قلبج ولا راسج بس المهم انت انتي تقتنعين بهالفكرة لان اذا من داخلج تبين مافي فايده..


اقولج شي اخذي ايفون 4 تره عجيب احسن من البلاك بيري ارقى تره خخ


الحين الناس اللي عندهم بلاك بيري تركوه وخذو ايفون مادري بعد كيفج هلون تقدرين بعد تتواصلين مع ربعج بالايفون بدال البلاك بيري عن طريق الوتس اب كيفج بعد مادري..

  #7  
قديم 09-12-2010
B M A B M A غير متواجد حالياً
عضو رائع
 
تاريخ التسجيل: Jul 2009
العمر: 27
المشاركات: 674
مشاركة: كيف أقنع زوجي..؟

اقتباس:
المشاركة الأصلية كتبت بواسطة كـل شـوقـي لــك
اختي لا تخسرين زوجش علشان تلفوون / طلعي ارقامهم و تواصلي وياهم من دوون مشآكل و عوار رآإس ..

بتوفيق اتمنى اقترآحي افيدش
بالعكس أختي انا ماودي أخسر زوجي
وانا عندي ارقامهم
بس البلاك بيري تواصله مع صديقاتي وهلي 24 ساعه
عكس التلفون بكلمهم اليوم لكن بعد جم يوم مدري عنهم
لازم ارد أكلمهم مره ثانيه،،بالبلاك بيري أكون أب ديت على طول معاهم

وثانكس على الاقتراح،،
  #8  
قديم 09-12-2010
B M A B M A غير متواجد حالياً
عضو رائع
 
تاريخ التسجيل: Jul 2009
العمر: 27
المشاركات: 674
مشاركة: كيف أقنع زوجي..؟

أختي(بنت القاسمي)،،
أكيد ماودي أخسر زوجي هو قلبي اللي ينبض في عروقي
وأنا أقدر أوفق بينه وبين البلاك بيري
وخصوصا ان ماعندي ياهل انشغل فيه فعندي وقت وايد

أختي العزيزه(سيدة القصر الاسود )
انا لويعطيني سبب واحد مقنع والله ماراح افتح الموضوع معاه
المشكله ماكو سبب مقنع
وأنا ادري أختي الغالبيه العظمى تلاقينهم في عالم آخر بس أصابع يدج مو سوى يالغاليه
  #9  
قديم 09-12-2010
B M A B M A غير متواجد حالياً
عضو رائع
 
تاريخ التسجيل: Jul 2009
العمر: 27
المشاركات: 674
مشاركة: كيف أقنع زوجي..؟

اقتباس:
المشاركة الأصلية كتبت بواسطة بحرينيةناعمة
انه اقول شرايج عشان ماتزعلين روحج تاخذين الموضوع بطريقه ثانية


عاد صيري شوي رومانسية وقلبي الموضوع حته لو جدام ربعج لين حنوّ عليج

قولي في خاطرج..

اكيد اهوه يحبني ومايبيني انشغل عنه دقيقه لانه غيور ويبيني كل الوقت معاااه

بالعكس هو يبي يكون طول الوقت مع
ربعه والقهوه،،صج هو يطلعني
ومايقصر أي شي في خاطري يشتري لي اياه
بس أنا في شيء أهم من هذا كله حتى من البلاك بيري
ماعطاني أياه
والله لويعطيني أياه جان بعد فكره البلاك بيري مافكر فيها
لكن الله كريم

وبجذي تكونين لاعورتي قلبج ولا راسج بس المهم انت انتي تقتنعين بهالفكرة لان اذا من داخلج تبين مافي فايده..


اقولج شي اخذي ايفون 4 تره عجيب احسن من البلاك بيري ارقى تره خخ


الحين الناس اللي عندهم بلاك بيري تركوه وخذو ايفون مادري بعد كيفج هلون تقدرين بعد تتواصلين مع ربعج بالايفون بدال البلاك بيري عن طريق الوتس اب كيفج بعد مادري..

مابي آي فون
الوتس آب نزلته في تلفوني تالي مسحته
لأن ماحس يبرد قلبي نفس البلاك بيري
على فكره انا كان عندي بلاك بيري وقطعته
والحين تحسفت اني قطعته


مشكورين كلكم على ردودكم وتفاعلكم
وإذا الله كاتب لي ان آخذ باخذ
  #10  
قديم 09-12-2010
B M A B M A غير متواجد حالياً
عضو رائع
 
تاريخ التسجيل: Jul 2009
العمر: 27
المشاركات: 674
مشاركة: كيف أقنع زوجي..؟

شباب وشابات..

أدري الكل معارض الفكره،،

لأن انا أتفق معاكم أن زوجي أهم

والله انا أحبه وأحطه وسط عيني

لو يطلب روحي عطيته أياها

وأنا كل وقتي له،،بس هو وقته مو كله لي

وأنا أحتاج أن أتواصل مع ربعي وهلي

هو مايقصر معااااااااي وبالعكس كل شيء أبيه مايمنعني منه

بس البلاك بيري مايرضه،،الشيء الوحيد اللي قال لي لا فيه

أنا ادري انه يمكن عباله ان بقعد بجابل البي بي وبتركه

وبصير مثل باقي العالم اللي على قولتكم مايدرون شيصير في العالم

لان انا ادري كنت منهم في يوم من الايام

بس الحين أختلف الوضع تزوجت أكيد مابنشغل عن نظر عيني

تره أصابع يدنا مو سوووووهـ

والله لوعندي شي أنشغل فيه

جان مافكرت حتى في البلاك بيري

والحمدلله انا مستعده أضحي بوااااايد اشياء بس لو أهوه يضحي اشوي على شاني

على العموم أشكركم على الردود والتفاعل (=
  #11  
قديم 10-12-2010
الصورة الرمزية البركي7
البركي7 البركي7 غير متواجد حالياً
صديق المنتدى
 
تاريخ التسجيل: Nov 2005
المشاركات: 5,629
مشاركة: كيف أقنع زوجي..؟

غيران الريال عليــــج فقيــــر

لتلوميــــنه
تبين تكسبيــــنه زود
قوليله رضاك أهم شي
والفون مابيه
__________________
  #12  
قديم 10-12-2010
الصورة الرمزية بنت رستمي
بنت رستمي بنت رستمي غير متواجد حالياً
العضو الفضي
 
تاريخ التسجيل: Nov 2008
العمر: 25
المشاركات: 1,912
مشاركة: كيف أقنع زوجي..؟

اخذي ايفوون ونزلي برنامج الواتاب وتواصلي مع ربعج بالبلاكبيري .. وهم فيه تلفون نوكيا ؟. خلهم عالمسن ..بس لاتعورين راسج ..

يمكن يبي يفاجئج زووجج

انا بنت خالتي من اول ما طلع البلاكبيري حنت على ابوها تبي وقالها ابوها over my dead body تخيلي مع ان اهمة بخير وماعنده الا هالبنت واختها .. ويقدر يطلع لها بدال البلاكبيري الواحد .. عشررررررة .. لكن ماخلاها .. وتم الشي في خاطرها وسكتت ويوم تخرجت من الثانوية شرالها بنفسه
__________________
واتــقـوا يومــاً إليه ترجعـون
  #13  
قديم 10-12-2010
مون فلاور مون فلاور غير متواجد حالياً
عضو رائع
 
تاريخ التسجيل: Jan 2010
المشاركات: 835
مشاركة: كيف أقنع زوجي..؟

حبيبتي إللي يبي يتواصل وياج

بيتواصل وياج حتى لو بالمسجات

صج البلاك بيري يتيح لج فرصة تواصل أكبر وياهم

بس ريلج أحق انج تسمعين كلامه


لهي روحج في اشياء ثانية سوي لج برنامج ثانية


::
__________________
  #14  
قديم 10-12-2010
B M A B M A غير متواجد حالياً
عضو رائع
 
تاريخ التسجيل: Jul 2009
العمر: 27
المشاركات: 674
مشاركة: كيف أقنع زوجي..؟

أخي(البركي7 )..
أن شاء الله،،وهو هذا اللي صاير الحين..
قلت خلاص مابحن ولاشيء
وهذا النصيب مكتوب شاسوي بعد
على العموم شكرا على مشاركتك ورأيك

أختي(بنت رستمي)
ماحب الآي فون..بس بنصبر والأجر على الله
وبنشوف يمكن مثل ماقلتي..ولو اني ماعتقد خخخخخخ
أتوقع اي شي ثاني الا البلاك بيري
ومشكوره على ردج الطيب

أختي(مون فلاور)
أن شاء الله أختي..وبشوف شيء ثاني أنشغل معاه
مشكوره حبيبتي
  #15  
قديم 10-12-2010
STEEL MAN STEEL MAN غير متواجد حالياً
عضو رائع
 
تاريخ التسجيل: Apr 2010
المشاركات: 821
مشاركة: كيف أقنع زوجي..؟

والله يفهم زوجش
__________________
u look like lightning
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:47 PM

المعلومات الواردة في هذا الموقع لا تعبر عن وجهة نظر الإدارة وإنما تعبر عن وجهة نظر كاتبها
الإدارة لاتتحمل أدنى مسؤلية عما يكتبه الاعضاء من مواضيع ومشاركات أو رسائل خاصة



©2002-2011 منتديات مملكة البحرين، جميع الحقوق محفوظة.