منتديات مملكة البحرين

آخر المواضيع

العودة   منتديات مملكة البحرين > منتديات الأسرة > آدم وحواء > الأسـرة

إضافة رد
 
أدوات الموضوع
  #1  
قديم 08-06-2010
الصورة الرمزية ام الكوكو
ام الكوكو ام الكوكو غير متواجد حالياً
عضو
 
تاريخ التسجيل: Apr 2010
المشاركات: 847
استفسار عن الولاده بالمستشفى العسكري

[blink]

السلام عليكم ورحمه الله وبركاته

[/blink]

هلا اخواتي انا الحين بالشهر التاسع وابي استفسر عن المستشفى العسكري انا زوجي عسكري بس في الداخليه واتصلنا فيهم وقالو عادي يصير والولاده بعد مجانا
بس ابي اسأل عن الغرف الخاصه يصير ان احجز غرفه وكم اسعار الغرف عندهم
لان البعض يقول ما يصير ناخد غرفه بس الى الضباط
انا جربت من قبل السلمانيه في ولادتي الاولى وكانو اوكي ومعاملتهم حلوة وغرفهم بعد زينه بس المشكله الحين على طول يقولون ما في سرير ويحولون على جدحفص او المحرق
واتمنى من الاخوات اللي ولدو في العسكري يساعدوني بردودهم

[glint]
ومشكوووووووووورين
[/glint]
رد مع اقتباس
  #2  
قديم 08-06-2010
دمعه غلا دمعه غلا غير متواجد حالياً
عضو رائع
 
تاريخ التسجيل: Aug 2009
العمر: 31
المشاركات: 323
مشاركة: استفسار عن الولاده بالمستشفى العسكري

هلا الغاليه عادي يصير تحجزين عندهم الغرفه بيكون يعتبر خاص لان زوجج شرطه وليس بالقوه


على ماعتقد كان السعر 40 دينار بس بعد مو متأكده بالضبط

والله يقومج بالسلامه يارب
__________________
محلنا الجديد : المحرق بجانب حضانه اجيال المستقبل
39422052
رد مع اقتباس
  #3  
قديم 08-06-2010
الصورة الرمزية riffa3y
riffa3y riffa3y غير متواجد حالياً
العضو الفضي
 
تاريخ التسجيل: Mar 2006
العمر: 32
المشاركات: 1,126
مشاركة: استفسار عن الولاده بالمستشفى العسكري

الغرف الخاصة في العسكري تختلف اسعارها عن بعض
في غرف محجوزة لكبار الشخصيات !

انا اخذت لزوجتي غرفة بـ 70 دينار في اليوم بدون اي نوع من الـ (و) ( طبعا انا مش عسكري ولا زوجتي عسكرية)

المعاملة كانت جيدة (الممرضات و العاملات )

دكتورة التوليد البحرينية كانت غجرية و كل كلامها و تعليقاتها تحبط الحامل !!!! كانت سيئة بكل معنى الكلمة .

و الله يسهل عليكم و ييسر اموركم و تقومون بالسلامة

و ألف مبروك مقدما
رد مع اقتباس
  #4  
قديم 08-06-2010
الصورة الرمزية قلوب البحرين
قلوب البحرين قلوب البحرين غير متواجد حالياً
العضو الذهبي
 
تاريخ التسجيل: Jun 2007
المشاركات: 2,842
غير سعيد مشاركة: استفسار عن الولاده بالمستشفى العسكري

ام الكوكو
شوفى يااااااااااا خيتــــــــــــــــــــــــي
مستشفى العسكري فعلا الغرف حق الوكلاء والظباط على ماااااعتقد يعنى لهم غرف خــــــــــــــــاصه واذا عندج واااااااااسطه ياقلبى خلى زوجج يتحرك و يطلع لج غرفه خاصه لأنه ماتطلع بســــــــــــــــــوله ولا اعتقد تطلع لج يعنى راح يخلونج جدام امر الواقع ويخلونج فى غرفه جمعـــــــي
واذا ولدتى فى العسكري وقعدتى فى جعـــــــــــــــــــي الله يعينج والله ويعينج على الوصاخه
اختى ولدت ويازعم زوجها عنده وااااااااااسطه انه يطلعون له غرفه وحزه الحزه طبعا قالو مافي غرفه وماصار طبعا فا قعدت فى جمــــــــــعي وتعالى شوفى الحماااااااااااام وين قاعد يعنى تضطرين تلبسين العبايه والشيله وتروحين تتمشين حق الحمام جدام ها الزوار اللى فى الممــــــــر واقفين واللى مسويه عمليه قيصريه ينعرف واللى ولاده طبيعيه هم تنعرف يعنى فضيحـــــــــــه ومافى ترتيب يعنى المفروض كل غرف جمعـــي يكون فيه حمام للكل مو يطلعون برع جدام الناس على ماعتقد فاهمه علــــــــي خيتي.. هذى العسكري اللى للحين مااااشوف فيه تعديل يريح القلب
الله لا يراااااااااااااااويج الجمعي اشلــــــــــــــــــــــون والله
وصاااااااااااااااااخه واللى يشتغلون فى ها القسم كله الممرضات المتدربات اليهاااااااااالوه
جدام عينى يات وحده من الممرضات تبى تشيل ياهل ماتعرف تشيله وقعدت تنادي صديقتها تعالى شيلى الياااااهل ماعرف........ تخيلي ومااااااااااااااااخفي اعظم
الصراحه العسكري ماشوف احد يمدحه كلللللللللللللللللللش
ام السلمانيه الغرفه تحصلينها بسهوله ونظااااااااافه والحمام ابروحج وخصوصياتج ابروحـــــــــــــج والحمد الله قرقرت واااااااااااااااااااااايد السموحه ياعيونى
والله يقومج بسلامه حبيبتى
تقبلى مروري
اختج
قلوب البحرين
رد مع اقتباس
  #5  
قديم 08-06-2010
الصورة الرمزية ام الكوكو
ام الكوكو ام الكوكو غير متواجد حالياً
عضو
 
تاريخ التسجيل: Apr 2010
المشاركات: 847
مشاركة: استفسار عن الولاده بالمستشفى العسكري

اختي دمعه غلا مشكورة على الرد ما قصرتي

اخوي رفاعي مشكور على الرد بس ما قلتي رايك يعني المستشفى ما تسوى بنظرك والله اوكي هل ارتاحت زوجتك هناك ؟؟
وما قصرت

اختي قلوب البحرين ما قصرتي وبالعكس ما هدرتي واجد ولا شي واللي قلتيه هو اللي مخوفني ان يقولون ما في غرفه حزه الحزة واتوهق وانا ما حب ولادة واكون في غرفه جمعي وفيها 4 على ما اعتقد وحمام واحد يعني وساخه وتعرفين هناك جنسيات مختلفه وانا ابي غرفه خاصه لي بروحي انظف ولن مسويه شغلات للتوزيعات والستاند كبير وحاجزة الى تزيين غرفه واخاف ان كل هالاشياء ما يصير ان اسويها ادا خلوني في غرفه جمعي
وبالنسبه الى السلمانيه انا ولدت بولدي فيه وكان واجد زين من معامله وغرف وانا ابي اروح بس هالايام دايما يقولون ما في مكان او سرير وهدا اللي مخوفني
ومشكورة من القلب
رد مع اقتباس
  #6  
قديم 08-06-2010
الصورة الرمزية riffa3y
riffa3y riffa3y غير متواجد حالياً
العضو الفضي
 
تاريخ التسجيل: Mar 2006
العمر: 32
المشاركات: 1,126
مشاركة: استفسار عن الولاده بالمستشفى العسكري

انا زوجتي ارتاحت على الآخر ... و الغرفة جهزناها يوم الولادة أحلا تجهيز و ما صارت أي مشاكل حزة الحزة (( يمكن لأني دفعت الفلوس على طول )) مع أن زوجتي ولدت قبل الموعد بإسبوع !!!

دافع لهم 600 دينار كاش يوم الولادة

لكن كلام الإخت اللي تقول انه حزة الحزة قالوا لهم مافي غرفة ((صحيح 100%)) لأن صار هالكلام لأحد أصدقائي و هو عسكري ...لكن بالهواش و الواسطة حصل لها الغرفة !!
رد مع اقتباس
  #7  
قديم 08-06-2010
الصورة الرمزية ام الكوكو
ام الكوكو ام الكوكو غير متواجد حالياً
عضو
 
تاريخ التسجيل: Apr 2010
المشاركات: 847
مشاركة: استفسار عن الولاده بالمستشفى العسكري

هلا خوي رفاعي
يعني رايك ان نروح من قبل موعد الولاده نحجز الغرفه
بس ما ادري ادا يصير عادي
يمكن لان انت دفعت حق ولاده كامل بس انا الولاده تكون مجانا بس ابي ادفع حق الغرفه
يعني تتوقع عادي
رد مع اقتباس
  #8  
قديم 08-06-2010
الصورة الرمزية قلوب البحرين
قلوب البحرين قلوب البحرين غير متواجد حالياً
العضو الذهبي
 
تاريخ التسجيل: Jun 2007
المشاركات: 2,842
يغمز مشاركة: استفسار عن الولاده بالمستشفى العسكري

ام الكوكو
سمعــــــــــــــــــــــــــي خيتــــــــــــــــــــي
اذا كان عندج شغلات تبين تحطينها فى الغرفه مثل ستـــــــــــــــــــاند وغيره ومثل ماقلتى حجمه كبير فا خليه فى البيت وزعيه على ناااااااااسك فى البيت لأنه راااااااح تنصدمين من المكااااااااااااااااان فى العســــــــــــــــكري اذا كان جمعي ~19~ طبعا ... بس اذا حصلتى شخصى~6~ تمام وان شاءالله تحصلين يارب وربي يقومك بسلامه وبعدين ليش تعورين قلبج روووووووحي زياره على الطــــــــــــــــاير شوفى المعامله وشوفى المكان من بعيد وكانج زااااايره احــــــــــــــــد هههههههههههههههههههههههه
طوفي في الممر الضيـــــــــــــــــــــــق اذا طفتي فيه ... كتفك يضرب بالكتف الثاني ههههههههههههههههه
والله ودي اكتب رساله بس من اللى بيسمع
مسسسسسستشفى عسكري والى الحين مافى تعديلات سنعه والمفروض من الجندي وراااااااااايح تكون الغرف متوفره
شخصيه واما الجمعي يكون فيها شخــــــــصين مو اكثـــــر وحمام شخصي لهم .
والغرف تكون على مستوي واسم المستشفى العسكري مو اي كلام ~47~
الحمد الله وشكر
خــــــــــــــــــــــيتى قدامك كم سبوع فكري فيها عدل ياااااااقلبى ولا تتحسفين ياعمري
والله يقومك بسلامه ياعمري
وايد اتكلم
معلــــــــــــش ياعمري
اختج
قلوب البحرين
رد مع اقتباس
  #9  
قديم 08-06-2010
a7la she5ah a7la she5ah غير متواجد حالياً
عضو رائع
 
تاريخ التسجيل: Jun 2007
العمر: 30
المشاركات: 338
مشاركة: استفسار عن الولاده بالمستشفى العسكري

الشيخه اذا على الغرف الخاصه سواء كان في القوة او الداخليه لازم يدفع حق الغرف الخاصه

انا ريلي مو ضابط لكن يشتغل في القوة خذالي غرفة خاصه بس الصغيره بس ماشاء الله يزت اهلنه

بس ساعات يبيلج احد هناك لان اكثر الوقت يقولون لج مافي غرف
__________________

رد مع اقتباس
  #10  
قديم 08-06-2010
هياوي المحرقية هياوي المحرقية غير متواجد حالياً
عضو رائع
 
تاريخ التسجيل: Jul 2005
العمر: 30
المشاركات: 459
مشاركة: استفسار عن الولاده بالمستشفى العسكري

اختي نصييييحه روحي السلمانية ولا تولدين في العسكري
انا ولدت فيها وكل يوم اصييييح وانا مرقده عندهم
تخيلي زوجي يشتغل في العسكري وفي البدايه ماحصلت غرفه لان جناح 15 فيه 4 غرف خاصه
رقدوني في الجمعي يومين حق الطلق الصناعي
تخيلي اصيح صياااااااح كل جنسيات يمي مرقده وحده سودانية والده قيصيري جوفي والده وانا ليحين ماولدت خالطينه مع بعض
وكل ايييونه زوااروانا ابي ارتاح مافي راحه كل اصيييييح اتصل حق زوجي اقولة ماقدر لازم غرفه خاصه ولا قادر يحصل لان كان الغرف فل
اهمال ووصاخه والحمام جمعي وكل دم ايييي دم دم النفاس ( اقولج خالطينة )
عفسه والله
ويوم توسعت 10 سم ماولدت على طول قيصيريه حتى ماصبروا علي الله يسامحهم
وعقب الولادة حظي حصلت وحده مرخصينة وخذيت حجرتها
والحجرة صغييييييييييييييييرة وتلوع الجبد والله
انا كنت في جناح 15 وجناح 16 بعد نفس الشي

اما جناح 19 هذي فيه 5 غرف ان حصلتي اوقولج وااايد زين وسعر الغرفه 100 دينار وترى حتى هذي الغرف بالواسطة
والغرفه كبيرة والعنايه هناك احسن

بس ومن يومها حلفت على ريلي ماولد هناك لو شنو يصير



وترى في اشياء واايد سوها فيني وكنت كل اصييح من معاملتهم بس ماذكرتها
رد مع اقتباس
  #11  
قديم 08-06-2010
هياوي المحرقية هياوي المحرقية غير متواجد حالياً
عضو رائع
 
تاريخ التسجيل: Jul 2005
العمر: 30
المشاركات: 459
مشاركة: استفسار عن الولاده بالمستشفى العسكري

اقتباس:
المشاركة الأصلية كتبت بواسطة riffa3y
الغرف الخاصة في العسكري تختلف اسعارها عن بعض
في غرف محجوزة لكبار الشخصيات !

انا اخذت لزوجتي غرفة بـ 70 دينار في اليوم بدون اي نوع من الـ (و) ( طبعا انا مش عسكري ولا زوجتي عسكرية)

المعاملة كانت جيدة (الممرضات و العاملات )

دكتورة التوليد البحرينية كانت غجرية و كل كلامها و تعليقاتها تحبط الحامل !!!! كانت سيئة بكل معنى الكلمة .

و الله يسهل عليكم و ييسر اموركم و تقومون بالسلامة

و ألف مبروك مقدما

اسعار الغرف الي تكلم عنهم الحين سعرهم 100 دينار لليله
وهذي بالحظ تتحصل لان بس 5 غرف موجودة

وانا اقول حق صاحبة الموضوع اذا حصلتيهم زين واذا ماحصلتي
باقي الاجنحه والغرف مأساااااااه وعدم اهتمام ومعامله زفته
رد مع اقتباس
  #12  
قديم 08-06-2010
الصورة الرمزية ام الكوكو
ام الكوكو ام الكوكو غير متواجد حالياً
عضو
 
تاريخ التسجيل: Apr 2010
المشاركات: 847
مشاركة: استفسار عن الولاده بالمستشفى العسكري

اختي قلوب البحرين
كلامش صح بس انا خاطري اسوي هالشغلات في المستشفى وما ابي اولد واقعد في غرفه جمعي ما اتخيل هالشي يبي لي اروح اشوف مثل ما قلتي بس انا رحت الى صديقتي والده هناك بس من زمان وكانت في غرفه جمعي معاها 3 وحدات وجنسيات مختلفه بس صديقتي هي اللي ما طلبت غرفه كان عندها الامر عادي بس كان ازعاج وزحمه

اختي احلى شيخه
مشكوره على ردش بس ابي اعرف كم سعر الغرفه الصغيرة ادا تذكرين لاني ما ابي غرفه كبيرة اهم شي تكون غرفه خاصه ومحد وياي ياريت تردين علي باسرع وقت ادا ما عليش امر

اختي هياوي المحرقيه
مشكورة اختي على ردش بس خوفتيني ... وهدا هو الشي اللي في بالي ومخوفني انا لو علي ابي اروح السلمانيه بس دايما يقولون ما في سرير واخاف يقولون روحي جدحفص وهو نفس الحاله ما عندهم الا 4 غرف خاصه يعني ما بحصل الا ادا كنت محظوظه وادا ما حصلت يحطون في غرفه فيها 5 وحدات وحمام واحد مشترك وزحمه وازعاج
يعني ديك الساعه لازم بروح العسكري احسن من جدحفص
رد مع اقتباس
  #13  
قديم 08-06-2010
الصورة الرمزية Blue lady
Blue lady Blue lady غير متواجد حالياً
عضو رائع
 
تاريخ التسجيل: Jan 2010
العمر: 31
المشاركات: 762
مشاركة: استفسار عن الولاده بالمستشفى العسكري

نصيحتي روحي مستشفى السلمانية او جدحفص، انا ولدت في جدحفص وبصراحة مستشفى هادئ ونظيف ، وماكان فيه احد يوم اروح فما اضطريت اخذ غرفة خاصة، لان اصلاً الجمعي ما في احد.. فظليت بروحي في الجمعي.. والحمد لله انا اشكر ربي على تيسيره لي اموري في مستشفى جدحفص، ولا تنسين بأن العسكري فيه كل الجنسيات يجونش ووصخين حدهم ، غير عن مستشفى جدحفص، اغلبهم بحرينيين..
__________________
دع عنك لومي ... فإن اللوم إغراء
*********
تـبدو كأن لاتراني ومـلء عينك عيني ومـثل فعلك فعلي ويلي من الأحمقين
رد مع اقتباس
  #14  
قديم 09-06-2010
الصورة الرمزية ام الكوكو
ام الكوكو ام الكوكو غير متواجد حالياً
عضو
 
تاريخ التسجيل: Apr 2010
المشاركات: 847
مشاركة: استفسار عن الولاده بالمستشفى العسكري

مشكورة اختي بلو ليدي
هو صح جدحفص معاملتهم زينه وانتي صار الحظ معاش ان تكوني بروحش بس ما اظمن ان اكون بروحي او اني اقدر اخد غرفه خاصه او تكون متوفرة لان زحمه على الغرف الخاصه عندهم بسبب قله العدد
والحمد لله على سلامتش
رد مع اقتباس
  #15  
قديم 09-06-2010
الصورة الرمزية ام الكوكو
ام الكوكو ام الكوكو غير متواجد حالياً
عضو
 
تاريخ التسجيل: Apr 2010
المشاركات: 847
مشاركة: استفسار عن الولاده بالمستشفى العسكري

وين الردود
بعد قولي اكثر حق اطمن
ما قصرتو ياللي ريديتو عليي يعطيكم الف عافيه
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:10 PM

المعلومات الواردة في هذا الموقع لا تعبر عن وجهة نظر الإدارة وإنما تعبر عن وجهة نظر كاتبها
الإدارة لاتتحمل أدنى مسؤلية عما يكتبه الاعضاء من مواضيع ومشاركات أو رسائل خاصة



©2002-2011 منتديات مملكة البحرين، جميع الحقوق محفوظة.